Басты Жаңалықтар Шыңжаңда 13 адам өлтірілді

Шыңжаңда 13 адам өлтірілді

21.06.2014 05:30

Шыңжаң Ұйғыр автономиялық ауданының тәртіп сақшылары 13 адамды атып өлтірді. Мерт болғандар Қашқардағы полиция бөлімшесіне көлікті апарып жарып жіберген. Бұл шабуылдан бірнеше полицей жеңіл-желпі жараланды. Мұны осыдан бірер сағат бұрын «Си-си-ти-ви» телекомпаниясы хабарлады.

Айта кетсек, соңғы кездері Шыңжаңда терактілер жиілеп кетті. Осы айдың басында мұнда он шақты адам, Бейжіңде үш адам шабуылдар үшін өлім жазасына кесілді. Ал, өткен айдың соңында Үрімші базарында бомба жарылып, 31 адам қаза тапты.

Қытай үкіметінің мәлімдеуінше, сепаратистер тәуелсіз Шығыс Түркістан мемлекетін құрғысы келеді. Ал, кейбір сарапшылардың пікірінше, автономия аумағында зорлық-зомбылықтың көбеюіне ұйғырлардың қоғамнан шеттетіліп, Шыңжаңның экономикалық дамуынан пайда көрмеуі себепші.

Арыстан РЫСБЕК

Автор

Арыстан Рысбек

Бөлісу