Мұнай өндірісінің мөлшері өзгермейтін болды

Биылғы жылдың екінші жартысында әлемде мұнай өндірісінің мөлшері өзгермейтін болды. Яғни, бірінші жартыжылдықтағыдай оның деңгейі күніне 30 миллион баррельден аспауы керек.

 

Мұндай шешім ОПЕК елдерінің Венада өткен кезекті конференциясында қабылданды. Жиынға «қара алтын» экспорттаушы 12 мемлекеттің министрлері қатысты.

 

Кездесу соңында олар мұнайдың бір баррелінің бағасы қазіргідей 100-110 доллар төңірегінде қалуын қолдайтындарын мәлімдеді. ОПЕК-тің мұнай өндірісі мен оның бағасын талқылайтын келесі отырысы 27-ші қарашада өтуі мүмкін.

 

                                                         

Арыстан РЫСБЕК