Басты Жаңалықтар Одақтастар әскерінің Нормандияға қонғанына - 70 жыл

Одақтастар әскерінің Нормандияға қонғанына - 70 жыл

05.06.2014 05:30

Ертең одақтастар әскерінің Нормандияға қонып, Батыс майданын ашқанына тура 70 жыл толады. Осыған орай бүгін Францияға әлемнің 20 шақты мемлекетінің лидерлері жиналып, еске алу шараларына қатысады.

АҚШ, Ұлыбритания, Канада, Бельгия, Польша, Люксембург, Грекия, Чехословакия, Австралия, Жаңа Зеландия мемлекеттері Францияның солтүстік-батыс жағалауына 1944 жылы маусымның 6-да десант қондырды.

Тарихи деректерге қарағанда, сол әскердің саны 160 мыңнан кем болмаған екен. Олар Нормандияға 7 мыңдай кемемен, соғыс ұшақтарымен жетіп, шабуылға кірісті.

«Семсер», «Алтын», «Нептун», «Юнона» операциялары нәтижесінде Франция 4 жылдық фашистік оккупациядан азат етілді. Ал, арада бір жылға жуық уақыт өткенде, нацистік басқыншылар бүкіл Еуропада жеңіліске ұшырап, Германия тізе бүгуге мәжбүр болады.

Арыстан РЫСБЕК

Автор

Арыстан Рысбек

Бөлісу