Қазақстан Президенті АҚШ Президенті Дональд Трампқа көңіл айту жеделхатын жолдады

Лас-Вегастағы қайғылы оқиғаға байланысты Елбасы Нұрсұлтан Назарбаев Америка Құрама Штаттарының Президенті Дональд Трампқа көңіл айту жеделхатын жолдады. Мемлекет басшысы атыс салдарынан көптеген адамның қазаға ұшырағаны және зардап шеккені туралы хабарды зор күйзеліспен қабылдады. «Біз осынау сын сағаттарда АҚШ халқымен бірге екенімізді жеткізгім келеді. Жеке өзімнің және барша Қазақстан халқының атынан қаза болғандардың туыстары мен жақындарына, сондай-ақ, достас Америка Құрама Штаттарының  халқына көңіл айтып, зардап шеккендердің тезірек сауығып кетуіне тілектестік білдіремін», – делінген жеделхатта.

Жазира ДОСМАҒАНБЕТ