Балалар байқауына дауыс беруді сұраған алаяқтар көбейді

Солтүстік Қазақстан облысында балалар байқауына дауыс беруді сұрау арқылы жасалатын интернет-алаяқтықтың 14 дерегі тіркелді. Алаяқтар таныстардың атынан «жақыныма дауыс берші» деген мағынадағы сілтемелер жіберіп, мессенджердегі аккаунттарды бұзады. Кейін жәбірленушінің атынан байланыстағы адамдардан ақша сұрайды. Сондай-ақ, «Бұл суреттегі сіз емессіз бе?» деген хабарламалар арқылы да азаматтарды алдауы мүмкін. Полиция күмәнді сілтемелерге өтпеуге және ақша аудару туралы өтініштерді телефон арқылы нақтылап алуға кеңес береді.