Үкіметте жер қойнауын пайдалану туралы жаңа құжат талқыланды

Бұған сәйкес геологиялық барлау жұмыстарын жүргізу мақсатында инвесторларды тарту көзделген. Егер құжат қабылданып, жоспар жүзеге асса, жаңа инвесторлар келіп, тұрақты жұмыс орындары ашылып, мемлекеттік бюджетке түсім көлемі артады. Бұл туралы құжаттың жаңа жобасын таныстыру кезінде Инвестициялар және даму министрінің бірінші орынбасары Алик Айдарбаев мәлімдеді. Кодекс жобасына сәйкес, жер қойнауын пайдаланушыларға құқық беруді жеделдету, барлау жұмыстарын тездету үшін мемлекет тарапынан ынталандыру және экологиялық талаптарды сақтауды күшейту тәртіптерді енгізіледі. Нәтижесінде геологиялық барлау жұмыстарына инвестиция көлемін арттыруға болады.

Ғабит ҰЗАҚБАЙ