Мәжіліс депутаттары «Мемлекеттік сатып алу туралы» Заң жобасын мақұлдады

«Мемлекеттік сатып алу туралы» Заң парламентте кеңінен талқыланған құжаттың бірі.

Құжаттың басты мақсаты - сыбайластыққа жол бермеу. Ол үшін барлық құжаттама жұмыстары электронды нұсқаға ауыстырылған. Тауарды алу мен берудің шот фактуралардың электронды форматы енгізіліп отыр. Бұл жалған құжат жасап мемлекеттен қыруар қаржы алуға жол бермейді.

Құжаттың бас-аяғы жинақы болғанымен депутаттар отандық өнімді қолдаудың нақты тетіктерін сұрады. Ал, заңды әзірлеушілер ДСҰ мен ЕЭО-тың ортақ ережелеріне сәйкес отандық бизнеске айқын басымдық беру қарастырылмайды және бұл талапты барлық ел бірдей орындап отыр. Десе де мемлекеттік сатып алудағы орта және шағын бизнестің үлесі 90 пайыздан жоғары.

Ғабит ҰЗАҚБАЙ