Қасым-Жомарт Тоқаев Оливер Спенсермен кездесті

Сондай-ақ, Сенат төрағасы Сингапур Сыртқы істер министрлігінің аса маңызды тапсырмалар жөніндегі елшісі Билахари Каусиканы қабылдады.

Қасым-Жомарт Тоқаев Еуропадағы қауіпсіздік және ынтымақтастық ұйымы Парламенттік Ассамблеясының Бас хатшысы Оливер Спенсермен кездесті. Сенат төрағасы хатшының өкілеттік мерзімі аяқталуына сәйкес, оған Ассамблея жұмысын жүйелі етіп, оны жандандыру жолында қажырлы еңбек еткені үшін алғысын білдірді.

Сондай-ақ, Ассамблея мүшелерін келер жылы өтетін халықаралық «Дін терроризмге қарсы» конференциясына қатысуға шақырды. Бұдан бөлек, Сенат төрағасы Сингапур Сыртқы істер министрінің аса маңызды тапсырмалар жөніндегі Елшісі Билахари Каусиканы қабылдады.

Тараптар қос ел арасындағы қарым-қатынас мәселелерін талқылап, Қасым Жомарт Тоқаев Қазақстанның Сингапурмен парламентаралық ықпалдастықты нығайтуға ынталы екендігін жеткізді.

Айдана ҮСЕНБАЙ