Астанадағы КАЗГЮУ студенттері шет елдермен тәжірибе алмасады

Қазақстанда адам өлтірген әрбір үшінші қылмыскер бұрын қандай да бір қылмыстық заңбұзушылық жасаған. Бұл туралы Астанадағы КАЗГЮУ-де өткен құқықтық форум барысында айтылды. Жиынға әлемнің 6 мемлекетінен студенттер мен сарапшылар қатысып, адам құқығы мен ұлттық қауіпсіздік арасында байланыс орнату мәселелерін талқылады.

Халықаралық жастар форумы Еуропаның қауіпсіздік мен ынтымақтастық ұйымы және «Сорос-Қазақстан» қорының қолдауымен ұйымдастырылды. Елбасы Нұрсұлтан Назарбаев Жолдауда алдағы жылды «Жастар жылы» деп жариялаған болатын. «Жастар арасында адам құқығын насихаттау шараларын жүргізу маңызды», -дейді ұйымдастырушылар.

Форум қорытындысы бойынша, алдағы уақытта Заң университетінің студенттері Әзірбайжан, Грузия, Молдова сияқты елдерге барып, тәжірибе алмасады.

Сергей Пен, М.Нәрікбаев атындағы КАЗГЮУ жоғары құқық мектебінің директоры:

- Бұл іс-шара арқылы елдіміздің құқық саласындағы үздік ұстанымдарын көрсеттік. Форум барысында қарулы қатығыс кезіндегі адам құқығы, ақпараттық терроризмдегі заңбұзушылық, әйел адамдарға қатысты зорлық-зомбылық тақырыптарында баяндамалар жасалды. Мұндай шара осымен төртінші рет ұйымдастырылып отыр. Жыл сайын қатысушылар саны мен шетелдерден келген сарапшылардың құрамы артып келеді.

Фариза МҰСАҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.