Жаңалықтарды Telegram арнамыздан оқыңыз!Полицейлер мен қорықшылар Арқалық-Торғай тасжолының Шұбалаң ауылы тұсынан Жангелдин ауданының тұрғынын тоқтатқан. Тексеру кезінде оның көлігінен аталық киіктердің 8 мүйізі табылған. Сонымен қатар, 12 калибрлі аңшы мылтығы мен 59 оқ болған. Мұнан әрі күдікті өзінің Албарбөгет елді мекенінің маңында 4 бөкенді атқанын мойындаған. Сосын мүйізін кесіп көлігіне салып алған. Қазір сотқа дейінгі тергеу басталды.
Талғат Ахметов, Жергілікті полиция қызметінің табиғат қорғау бөлімшесінің бастығы:
Оқиға орнына барып тергеу амалдарын жүргіздік. Күдікті көрсеткен жерден атылған киіктердің денесі, оқ гильзалары табылды. Қазір оның бәрі зертханалық тексеруге жіберілді.
Дәуренбек ӘБДІБЕК
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
