Алматыда қазақтілді «Youtube» блогерлерінің бірінші құрылтайы өтті

Жиында қазақша контенттерді дамыту мәселелері кеңінен талқыланды.

Ұйымдастырушылардың айтуынша, қазір қазақтілді видеоларға сұраныс артып отыр. Мәселен, күн сайынғы қазақ тіліндегі видеолардың қаралымы 7 млн-нан асады. Әсіресе, қазақша бейнеклиптер мен бизнес туралы материалдарға қызығатын адам көп. Сондай-ақ, танымдық дүниелердің таралымы да көңіл қуантады. «Бірақ, қоғамдағы қозғалмаған өзекті тақырыптар әлі де аз емес», - дейді «Genesis Youtube Qazaqstan» ұйымының мамандары.

Жалғас Халықов, «Youtube Qazaqstan» менеджері:

Қазақстанның youtube нарығы әлі де бос. Кез келген тақырыпта канал ашуға болады. Сондықтан, біздің қазіргі жиналып жатқан мақсатымыз да сол, бір-бірімізбен тәжірибе алмасу.

Аманкелді СЕЙІТХАН