Шығыс Қазақстан облысында бүгін ауа райы 34 градусқа дейін төмендеді

Қатты аяз болғандықтан, бірқатар ауданда сабақ тоқтады. Өткен түнде Алтай ауданында сынап бағанасы - 34, Көкпекті ауданында - 27 градусқа дейін төмендеген. 1-сыныптан 11-сыныпқа дейін оқушылар мектепке барған жоқ. Сонымен қатар, Риддер қаласында өткен түнде сынап бағанасы – 24 градустан төмен болған. Шағын шаһарда да бастауыш сыныптар үшін сабақ тоқтады. Синоптиктердің хабарлауынша, Шығыс Қазақстанда алдағы 2 күн бойы суық болады. 

Динара Жиымбаева, «Қазгидромет» РМК облыстық филиалдың инженер-синоптигі:

- Облыс аумағында ауа температурасының төмендеуіне Ресейдің солтүстік аймағынан келген антициклон әсер етті. Алдағы 2 күнде Шығыс Қазақстанның басым бөлігінде 23-28 градус аяз болады. Кейбір жерлерде 13-18 градус аяз болады.

Берік КӨШЕРБАЙ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.