Жаңаөзенде 9 адамның қазасына себепші болған темір жол қызметкері сотталды

Жаңаөзен қаласында 9 адамның қазасына себепші болған темір жол қызметкері бес жылға бас бостандығынан айырылды. Осылайша, бір жылға созылған қылмыстық іске бүгін нүкте қойылды.

Естеріңізге сала кетейік, оқиға былтыр қараша айында Жаңаөзен қаласының маңындағы темір жол өткелінде болды. Ішінде жолаушы толы газель тепловозға соғылып,  9 адам көз жұмды. Ал, 27 жолаушы түрлі дене жарақатын алған еді.  Газельдің жүргізушісі де оқиға орнында қаза тапты. Апатқа жол берген темір жол қозғалысына жауапты диспетчер сол кезде мас күйде болған.

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.