Ақтөбеде есірткіге елітіп, полицейлерге пышақ ала жүгірген азамат ұсталды

«Ленд Крузер» көлігімен  жол  ережесін бұзған  күдіктіні құқық қорғаушылар тоқтатпақ болған.  Алайда, ол  суық қарумен қарсы ұмтылып, көшедегі басқа адамдардың өміріне қауіп төндірді. Полицейлер аспанға екі рет ескерту оғын атып қана бұзақыны қолға түсірді. Зардап шеккендер жоқ. Куәгерлер күдіктінің граната секілді затты лақтырғанын айтады.

Алайда, құқық қорғаушылар бұл ақпаратты растамады. Медициналық тексеріс барысында  ұсталған адамның есірткі пайдаланғаны белгілі болды. Бұрын сотталған. Тергеу-тексеру жұмыстары басталды.   

Жақсыбек КЕМАЛ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.