Астана қаласының Ішкі істер департаментінің қызметкерлері айт күні бірнеше адамға көмектесті

Атап айтқанда, «Сарыарқа» аудандық полицейлері хал-қадірлерінше ақша жинап, тұрмысы төмен отбасыларға тұрмыстық заттар мен азық-түлік апарып берді. Мәселен, Гавнерлер отбасында 5 бала бар. Үйде тек отағасы ғана жұмыс істейді. Бірақ, табысы аз. Бәрін қамтамасыз етуге жетпейді. Үйдің сабақ оқитын балалары мектеп құралдарына ие болып, мәз-мәйрам болды. Аналары да риза.

Ал, Айнұр болса үш баланы өзі асырап отыр. Жалдамалы пәтерге 15 мың теңге төлейді. Біреулердің үйін жинап, кір-қоқысын тазартып тапқан ақшасы тамақтан аспайды екен. Сол себепті, жалғысбасты ана кез келген көмекке зәру.

Cәуле АЛДАМҰРАТҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.