Ереже бұзған көлік жүргізушілеріне салынатын айыппұл жеңілдейді

Бүгін Мәжіліс депутаттары «Әкімшілік құқықбұзушылық туралы» кодексті мақұлдады. Енді жол ережесін бұзғандар көбіне ескерту алады. Қарсы жолаққа шығып кеткен көлік иесі жүргізуші куәлігінен бұрын бір жылға айырылса, енді ол алты ай. Күндіз машинасының шамын жақпағандарға ескерту жасалады немесе 7 мың теңге көлемінде айыппұл төлейді. Қазіргі айыппұл 13 мың теңгені құрайды. Мүмкіндігі шектеулі жандарға арналған тұраққа темір тұлпарын қойған азаматқа енді 22 мың теңгеден астам айыппұл салынады. Бұрын мұндай жағдайда жүргізушілер мемлекетке 113 мың теңге төлейтін.

Индира БЕГАЙДАР