Басты Жаңалықтар Қызылордада металлургиялық кластер құрылады

Қызылордада металлургиялық кластер құрылады

19.02.2014 08:30

Қызылордада металлургиялық кластер құрылады. Соның негізінде өңірде машина жасау және шыны, ферроқорытпа зауыттары салынбақшы. Бұл туралы облыс әкімі Қырымбек Көшербаев есепті жиында мәлімдеді.

Шыны зауытының құрылысы маусым айында басталады, деп жоспарланса, келер жылы пайдалануға берілетін машина құрастыру зауытында теміржол, тау-кен және мұнай-газ саласына қажетті қосалқы бөлшектер шығарылатын болады.

Ал қазір ферроқорытпа зауытының құрлысын бастау үшін «Байқоңыр» Әлеуметтік кәсіпкерлік корпорациясы инвесторлармен келіссөздер жүргізіп жатыр.

Қырымбек Көшербаев, облыс әкімі:

Кәсіпорын төмен алюминийлік ферросилиций, кремний карбидін, ферромолибден және басқа да өнім түрлерін өндірмек. Жоспар бойынша өндірілетін өнім көлемі жылына 150 мың тонна болмақ. Осының арқасында мыңға жуық жұмыс орны ашылады.

Ақерке БЕРІКБЕКҚЫЗЫ

Бөлісу