Ел аумағында жаңбыр жауып, қар түседі

Енді өзіміздегі жағдай. Бүгіннен бастап Қазақстанның басым бөлігінде күн райы құбылады. Нақтырақ айтсақ, 15-17 қазан аралығында біршама өңірде жаңбыр мен қар жауады. Жел күшейіп, тұман түседі. Қазгидрометтің болжамы осындай. Шығыс өңірлерде көктайғақ болуы мүмкін. Ал 16-17 қазан күндері түнде оңтүстік-шығыста ауа температурасы -2 градусқа төмендеп, үсік жүреді. Таулы аймақтарда -7 градусқа дейін суытады. Солтүстік өңірлерде түнде ауа температурасы -3; -8 градусқа түседі. Ал күндіз +7; +12 градусқа көтеріледі. Батыста түнде +7, +15 градус, күндіз +17; +25 градус жылы болады. Ал оңтүстік және оңтүстік-шығыс аймақтарда күндіз ауа температурасы +10; +25 градус аралығында сақталады.