«Таза Қазақстан» Road-эстафетасына қатысушылар 40 тоннаға жуық қоқыс жинады

«Таза Qazaqstan» Road-эстафетасы аясында Ақмола және Павлодар облыстарында 40 тоннаға жуық қоқыс жиналды. Қатысушылар 474 шақырымға жуық жол жүріп, табиғи аумақтарды тазартты. Сонымен қатар Ерейментау ауданында Құрылтай депутаттары 20-дан астам тұрғынды қабылдады. Кездесуде жолдарды жөндеу, медициналық мекемелерді жабдықтау, су құбырларын аяқтау және ауыл инфрақұрылымын дамыту мәселелері көтерілді. Эстафета аясында «Кемпіртас» тауы да қоқыстан тазартылып, бүлінген жазуларды жою жұмыстары жүргізілді.

Риза Данияр, тревел-блогер:

Оқушылар, жастар, студенттер тек қана тарихи маңызы бар жерлерді тазалап қана қоймай олардың тарихымен де танысады. Сондықтан тарихты да, экологияны да бір арнада тоғыстыра білген маңызды шара деп есептеймін.