Almaty SuperSki: Тау туризмінің жаңа кезеңі

Алдағы 2-3 жылдың ішінде Алматыдағы тау-шаңғы курорттары күніне кем дегенде 24 мың келушіні қабылдауға қауқарлы болады. Мұндай болжамды қала әкімінің орынбасары Олжас Смағұлов айтты. Соңғы 6 жылда тауға барушылардың саны күрт артып, 4,5 есе көбейген. Бұл шамамен жылына 1 миллионнан астам турист келеді деген сөз. Ал биыл келушілердің қарқыны бұдан да артты. Жыл соңына дейін 1,5 миллионға жетеді деген болжам бар. Өйткені, бір күнде 6,5 мың туристке қызмет көрсете алатын «Шымбұлаққа» кей күндері 15 мың адам келіп, кетеді екен. Мамандар, екі жылдан кейін жыл бойы үздіксіз жұмыс істейтін Almaty SuperSki жобасы бұл түйіткілді толық шешіп, қаладағы тау-шаңғы курорттарының жүктемесін біршама азайтады,- деген сенімде.