Басты Жаңалықтар Салық салғырттықты көтермейді

Салық салғырттықты көтермейді

18.02.2014 12:30

Жалған кәсіп жарға жықты. Елімізде 1300-ден астам жалған кәсіпкер былтыр заң алдында жауап берді. Салықтан жалтару мақсатында ашыла салып, бір-ақ күн жұмыс істейтін мұндай фирмалар тұтынушыға да, мемлекетке де миллиардтаған шығын келтірген.

«Сондықтан, жаңадан қабылданған Салық Кодексінде мұндай алаяқтарға жаза қатаңдатылды», - дейді сала мамандары. Бүгін Астанада салық төлеушілердің ашық есік күні өтті.

Жалпы алғанда, ел тұрғындарының салық төлеу мәдениеті артып келеді. Халықтың 80 пайызы салықты электронды жүйе арқылы төлейді. Бұл - Еуропаның дамыған елдеріндегі көрсеткішпен бірдей.

Үкіметтің жалпы отырысында Елбасы кәсіпкерлік саласына салық органдары тарапынан жөн-жосықсыз жасалатын тексеріс көп деп сынға алған. Ведомство басшылығы бұл сыннан да нәтиже шығардық деп отыр.

Әнуар Жұмаділдаев, Қазақстан Республикасы Қаржы Министрлігінің Салық комитеті төрағасы:

Аудан орталықтарында аудит деген былтырдан бастап жоқ. Оны біз облыс орталығына шоғырландырдық.Тек аудан орталығының өзі 200-ден асып кетеді. Сондағы шағын және орта бизнес өкілдерін бұрынғыдай тексермейді. Жалған кәсіпорындардың көп шоғырланған жері - облыстың орталықтары екенін білеміз. Біз тексеруді сол жерде жүргізетін боламыз.

Шынар АСАНҚЫЗЫ

Бөлісу