Басты Жаңалықтар Теңге бағамының өзгеруі экономикаға серпіліс береді

Теңге бағамының өзгеруі экономикаға серпіліс береді

17.02.2014 08:30

Қазақстан - Орталық Азияның лидері. Экономикасы қарқынды, даму үрдісі тұрақты және болашағынан зор үміт күттіретін мемлекет. Сондықтан, доллар бағамының артуы ел экономикасына серпіліс береді. Бұл - Түркияның беделді экономисі Селахаддин Тогайдың пікірі.

Қазақ елінің экономикасы ашық нарықтық экономика негізінде өрлеп келеді. Түрік бауырлардың да бұл саладағы ұстанымы - осындай. Экономикалық даму көрсеткіштері бойынша әлемде 15-ші орында тұрған Түркияда да жақында ұлттық валютасы лираның долларға шаққандағы бағамы артқан.

Селахаддин Тогай, экономика ғылымдарының докторы:

Бізде осыдан 1,5 ай бұрын ғана лира 15 пайызға түсті. Доллардың көрсеткіші бұрын-соңды болмаған деңгейге жетті. Сіздердің елдеріңіздегі жағдай біздікімен салыстырғанда, бөлек. Біз - экономикасы дамыған мемлекетпіз. Сіздер әлі дамып келе жатырсыздар. Түркияда кезінде ұлттық валютаны тұрақтандыру үшін түрлі шаралар қабылдады. Менің айтқым келетіні, бұл жағдай кез-келген дамушы мемлекетке тән қасиет. Халықтың да жағдайын түсінуге болады. Бірақ, егер ел болашағына алаңдаулы болсаңыздар, онда түсіністікпен қарау керек. Қалыпты экономикалық жағдайда отыра бермей, алға ілгерілеу қажет.

Бақытжан ОМАРОВ

Бөлісу