Басты Жаңалықтар Теңге бағамы өзгергенімен, кедендік кедергілер болмайды

Теңге бағамы өзгергенімен, кедендік кедергілер болмайды

14.02.2014 08:30

Теңге бағамының өзгеруі кедендік алымдар мен салықтың орташа күндік түсіміне еш әсер еткен жоқ. Бұл туралы Қаржы министрлігі Кедендік бақылау комитеті хабарлады.

Оның сөзінше, барлық өткізу пункттері бұрынғы режимде жұмыс істеуде. Тауар тасушылардың шекара бекеттерінде құжат рәсімдеуі де әдеттегідей.

Сондай-ақ, биыл экспортталатын мұнайдың 1 тоннасына кедендік алымдар 60 АҚШ долларына өскенін ескерсек, бюджеттік кірістер артары сөзсіз. Бұрын бұл салық 1 тонна мұнайға 40 долларды құраған.

Аманияз Ержанов, ҚР Қаржы министрлігі Кедендік бақылау комитеті төрағасының орынбасары:

Біздер Кедендік тазартуды Кеден одағының және ҚР Кеден заңнамасына сәйкес жүргізудеміз. Жалпақ тілмен айтқанда, кедендік төлемдер өнімін экспортқа шығаратын кәсіпорындардың жұмыс істеуіне ықпалын тигізеді деген ойдамыз.

Дулат АБИБУЛЛАЕВ

Бөлісу