Басты Жаңалықтар Баспана нарығында баға тұрақты

Баспана нарығында баға тұрақты

12.02.2014 08:30

«Қазір елімізде тұрғын үй нарығындағы баға тұрақты», дейді сарапшылар. Олардың айтуынша, қолжетімді баспана бағасы сәл түседі. Ал, бизнес және элиталық үйлердің құны бүгінгі доллар бағамымен бағаланады.

Себебі, бұл деңгейдегі сатып алушылардың 80 пайызы ақшасын АҚШ валютасында сақтайды. Сондықтан, бұл қаржылық өзгеріс оларға көп әсер ете қоймайды.

Сараптамалық орталықтардың мамандары, алдағы уақытта Астана қаласында орта деңгейлі үй бағасы 7-10 пайызға төмендейді, деген болжам айтады. Ал, басқа аймақтарда 10-12 пайыз арзандауы мүмкін. Өйткені, өңірлерде жылжымайтын мүлік нарығының ауқымы тар және жұрт негізінен қаржысын ұлттық валютада ұстайды.

Данияр Нұрғазин, сараптамалық агенттік директоры:

Жылжымайтын мүлік нарығында айтарлықтай өзгеріс жоқ. Себебі, бұған дейінгі бағаның бәрі дерлік доллар бағамымен есептелді. Қазір де солай. Сондықтан, қобалжудың қажеті шамалы. Бағаның күрт көтерілуі, деген әңгіме мүлдем болмайды. Айталық, бүгінде тұрғын үйдің бағасы өз шарықтау шегіне жетіп отыр. Тек әрі қарай төмендеуі мүмкін. Әсіресе, орта деңгейлі баспанана төңірегінде.

Алмат ӘБДІРАМАН

Бөлісу