Дариға Назарбаева «Қорғас» кеден бекетінің жұмысымен танысты

«Қорғас» шекарамаңы халықаралық ынтымақтастық орталығында қазақстандық кəсіпкерлердің сауда-саттық жасау мөлшерін бірнеше есеге дейін арттыру керек. Бұл мәселе бүгін Сенаттың Халықаралық қатынастар, Қорғаныс және қауіпсіздік комитетінің көшпелі отырысында талқыланды.

Осы орайда халық қалаулылары шекара туралы заңнамаларға бірқатар өзгерту енгізуді қолға алмақ. Сондай-ақ, бұл жиында Қазақстан мен Қытай шекарасындағы қарым-қатынасты жаңа деңгейге көтеру мәселелері де қаралды. 

Орталық жұмысымен танысқан сенаторлар алдағы уақытта мемлекет қауіпсіздігі мен екі ел арасындағы экономикалық байланысты нығайту тетіктерін пысықтады. Мәселен, еркін экономикалық аймаққа кіріп-шығу, тауар айналымын жеңілдету қажеттілігі баса айтылды. 

Қуаныш ҚАНАТҰЛЫ