Алматы облысының Малайсары ауылының тұрғындары апатты үйлерде тұрып жатыр

Шаханда болған жағдай Алматы облысының Малайсары ауылында да қайталануы мүмкін. Себебі, елді мекендегі 4 қабатты төрт үйде қыста пеш жағады. Онан қалды ас үйде газ балонды пайдаланып тамақ әзірлейді. 200-дей отбасы қысы-жазы төбесінен аққан сумен арпалысады.

Құбырлары да тозып біткен. Үйлер негізінен ауылдағы шағыл тас өндіретін зауытқа тиесілі. Сондықтан жергілікті билік ешқандай көмек қолын соза алмай отыр.