Жол апатынан төрт адам қаза тапты

Батыс Қазақстан облысында жол апатынан төрт адам қаза тапты. Чапаев-Жалпақтал-Қазталов тасжолының Болдырев елді мекені тұсында қарсы бетке шығып кеткен «Волга» көлігі «Лада Приораны» соққан. Соның салдарынан соңғы көліктің жүргізушісі мен үш жолаушысы сол жерде мерт болды. Екі көліктегі қалған алты адам жедел түрде Орал қаласындағы клиникалық ауруханаға жеткізілді. Олардың арасында бір жасар сәби де бар. 40 жастағы әйелдің жағдайы аса ауыр күйде.

Виктор Ширяев, жансақтау бөлімінің меңгерушісі:

Жол апатына ұшырағандар бізге реанимобиль және ұшақ арқылы жеткізілді. Барлығына тиісті медициналық көмек көрсетілуде. Ал, ауыр халдегі әйел адамға операция жасалып жатыр. Оның басы жарылып, бет сүйегі бірнеше жерден сынған.

Рауан ДИӘЛИ