Жаңалықтарды Telegram арнамыздан оқыңыз!Елбасы Нұрсұлтан Назарбаевтың Жолдауы 20 тілге аударылды. Отандық ақпараттық порталдардың бірі таныстырылымын жасаған жиынға Қытайдың Қазақстандағы елшісі Юйчен Лэ қатысты.
Мәртебелі мейман - маңызды құжаттың бірнеше тілге, әсіресе, қытайша аударылғанына бек қуанышты.
«Енді біздің кәсіпкерлер, ғаламторды ашып, Жолдаудың қытайшасын таңдап, Қазақстанның қай саласына инвестиция салу керектігін, қандай жеңілдікке ие боларын, неге міндеттенерін біле алатын болады», - дейді елші.
Юйчен Лэ, ҚХР-дың Қазақстандағы елшісі:
Сіздер білесіздер, біздің Қытайда да өзіміздің стратегиямыз бар, біз оны Қытай арманы деп атаймыз. Ол осы ғасырдың ортасында қытай ұлтының қайта өркендеуі туралы. Бұл екі стратегия - «Қазақстан -2050» Стратегиясы мен Қытай арманы мазмұнымен де, орындау мерзімімен де сәйкес келеді. Сол себепті біз оларды орындау мен іске асыру саласында бір-бірімізге қолдау көрсетуіміз қажет.
