Басты Жаңалықтар «Нұр Отан» партиясының қатары толықты

«Нұр Отан» партиясының қатары толықты

28.02.2014 05:30

«Нұр Отан» партиясының мүшелері жаңа есімдермен толықты. Партия төрағасының бірінші орынбасары Бауыржан Байбек мүшелікке қабылданған бір топ азаматқа жаңа үлгідегі партия билетін тапсырды.

Олардың арасында Қазақ гуманитарлық заң университетінің президенті Мақсұт Нәрікбаев, Алматы облысы Әзірбайжан мәдени орталығының төрайымы Асылы Осман, Ауған соғысының ардагері, ұста Асхат Қасенов бар.

Сондай-ақ, өз саласының білгірі - жас мамандар да «Нұр Отанның» мүшесі атанды. Жаңа үлгідегі партбилет пластикалық карточка тәрізді. Бет жағында билет нөмірі, аты-жөні және партияға кірген мерзімі көрсетілген. Сырт жағында партия билетінің құпия саны мен республика бойынша тегін хабарласуға болатын орталықтың телефон нөмірі жазылған.

Сондай-ақ, жаңа партиялық билет бірыңғай электрондық мәліметтер базасына біріктірілген.

Абзал Құрманов, №6 Хромтау гимназиясының мұғалімі:

«Нұр Отан» партиясымен бірлесе, тығыз байланыста жұмыс істеймін. Алға қойған мақсаттарға жетуге тырысамын. Білім, ауыл жастары мәселесін партия мүшелерімен бірігіп шешеміз, деп ойлаймын.

Сәуле АЛДАМҰРАТҚЫЗЫ

Бөлісу