Басты Жаңалықтар Бірлескен меморандумға қол қойылды

Бірлескен меморандумға қол қойылды

27.02.2014 05:30

Адам саудасы асқынып тұр. Оның алдын алу үшін бүгін Бас прокуратура мен Халықаралық көші-қон ұйымы арасында бірлескен меморандумға қол қойылды. Құжаттың адам саудасының құрбандарына жәрдем беруде, сондай-ақ тергеу мәселелері бойынша ақпарат алмасуда маңызы зор болмақ.

Айта кетейік, еліміз 2002 жылдан бері Халықаралық көші-қон ұйымының толық құқықты мүшесі. Қазір елімізде адам саудасы құрбандарын сауықтыратын дағдарыс орталықтары тұрақты жұмыс істейді. Сондай-ақ, көші-қонды реттеу, еңбек мигранттарының құқын қорғау мәселесі де ерекше назарда.

Нұрдәулет Сүйіндіков, ҚР Бас прокуратурасының ресми өкілі:

Меморандумды жүзеге асыру барысында Халықаралық көші-қон ұйымының көпжылдық жан-жақты тәжірибесі біздің құқық қорғау органдарының адам саудасына қарсы күрес жөніндегі қызметтің тиімділігін арттыруға, жоғарылатуға зор көмегін тигізеді деген үміттеміз.

Шынар АСАНҚЫЗЫ

Бөлісу