Басты Жаңалықтар Парақор басшы ұсталды

Парақор басшы ұсталды

27.02.2014 09:30

Қостанай облысындағы Жітіқара қалалық Сәулет және қала құрылысы бөлімінің бастығы, пара алып жатқан жерінде ұсталды. Мекеме басшысы жер телімін беріп және оны бас жоспарға енгізу үшін қала тұрғынынан 500 мың теңге талап еткен. Оның заңсыз әрекеті туралы қаржы полициясына қала тұрғындарының бірі хабарлапты.

Енді шектен шыққан шенеуікті әшкерелеген азамат ақшалай сыйлыққа ие болады. Жыл басынан бері қостанайлық қаржы полицейлері жемқорларды ұстауға жәрдемдескен 3 тұлғаға 340 мың теңге сыйақы төлеген. Ал жітіқаралық жемқор архитекторды алда әділ жаза күтіп тұр.

Рустам Садықов, Қостанай облыстық қаржы полициясының баспасөз хатшысы:

Қазіргі таңда оған қатысты ҚР ҚК 311 бабының 2 бөлімі бойынша қылмыстық іс қозғалып сотқа дейінгі жеңілдетілген өндіріспен аяқталды. Қылмыстық Кодекс бойынша бұл қылмыс үшін 3 жылдан 7 жылға дейін бас бостандығынан айыру қарастырылған.

Дәуренбек ӘБДІБЕК

Автор

Дәуренбек Әбдібек

Бөлісу