Басты Жаңалықтар Кәсіпкерлер құқығын қорғау ісіне прокуратура араласты

Кәсіпкерлер құқығын қорғау ісіне прокуратура араласты

26.02.2014 05:30

Кәсіпкерлердің кәсібін дөңгелетіп, ел экономикасын өркендетуіне мемлекеттік қадағалаушы органдардың жоспарсыз тексерісі тосқауыл болады. Төтенше жағдайлар департаменті бір ай тексерсе, екінші кезекті санитарлық -эпидемиологиялық қадағалау орталығы тосып отырады. Іске прокурорлар араласты.

Кәсіпкерлердің құқықтарын қорғауды әсіресе, Бас прокуратураның Алматы қаласы бойынша Құқықтық статистика және арнайы есепке алу жөніндегі комитеті тұрақты жүргізіп келеді. Нәтижесінде өткен жылы мемлекеттік бақылаушы органдар тарапынан 260 заңбұзушылық болғаны анықталды.

Прокурорлар соның 68-нің заң талаптарына қайшы екенін дәлелдеді. «Бизнес тірегі» жобасы аясында кәсіпкерлердің бүгінде құқығы қорғалып, өндірісі жанданып келеді.

Нұржан Мағажанов, Алматы қаласы бойынша Бас прокуратураның Құқықтық статистика және арнайы есепке алу жөніндегі комитеті басшысының орынбасары:

Жоспарсыз тексеру шегінен шығып, өкілеттігін асыра пайдаланған кездер болып жатыр. 2013 жылы қадағалаушы органдардың 11 қызметкері әкімшілік жауапқа тартылса, 80-нен аса қызметкер тәртіптік жазаға тартылған.

Айгүл ЕРМАХАН

Бөлісу