Басты Жаңалықтар Жасөспірімдер қауіпсіздігі - басты назарда

Жасөспірімдер қауіпсіздігі - басты назарда

26.02.2014 08:00

«Жасөспірім- Заң- Қауіпсіздік» республикалық акциясы аясында петропавлдық полиция қызметкерлері жеткіншектермен жүздесті. Мақсат- балалардың қатысуымен болатын қылмыстарды азайту, түсіндіру жұмыстарын жүргізу.

Кездесуге негізінен тәрбиесі қиын жасөспірімдер, яғни, әлеуметтік жағынан аз қамтылған отбасынан шыққан, заңбұзушылық жасап, тәртіп сақшыларының назарына іліккен жеткіншектер шақырылды. Бұған қоса, облыстағы полицияның жас көмекшілері де қатысты. Ең алдымен оларға «Арлан» арнайы жасағының шұғыл іс-қимылдары, әскери жаттығулары көрсетілді.

Бұдан соң облыстық Ішкі істер департаментінің жедел басқару орталығында болып, бақылау жұмыстарымен танысты. Кездесу полиция мұражайында аяқталды. Мұнда балаларды тәртіпке шақырып, қоғамдық қауіпсіздіктің ел өмірі үшін маңызды екендігі түсіндірілді.

Серік Ыдырысов, СҚО ІІД бастығының орынбасары:

Мұражайды көрсеттік, спорттық жарыстар өткіздік. Олар – біздің болашағымыз. Барлығында бір мақсат болуы керек.

Сағындық СӘБИТҰЛЫ

Бөлісу