Инчхон-2014. Қазақстандықтар жағажай волейболынан жарысты жеңіспен бастады

Бүгін Оңтүстік Кореяның Инчхон қаласындағы Азия ойындарында жағажай волейболынан жарыстар басталды.

Ойынды бірінші болып, әйелдер құрамасы бастады. Қазақстандық Татьяна Машкова мен Ирина Цымбалова  «С» тобында оңтүстіккореялық Хьюсук Юн мен Юна Лимен кездесіп, жеңіске жетті. Есеп – 2:0 (21:6, 21:15).

Ал, ерлер құрамасы бойынша «D» тобында Дмитрий Яковлев пен Алексей Кулешов Мальдив аралдарының ойыншыларымен сынға түсті. Есеп – 2:0 (21:14, 21:16).

Қазақстандық Александр Дьяченко мен Алексей Сидоренко «А» тобында Оман ойыншыларын жеңіп, жарысты сәтті аяқтады. Есеп - 2:0 (21:10, 21:12).

Қазақстандық спортшылар турнирдегі келесі матчын енді 22 қыркүйекте өткізеді.

Фото: sport.akipress.org