Жаңалықтарды Telegram арнамыздан оқыңыз!Нанкин Олимпиадасында бұқаралық ақпарат құралдары өкілдері үшін барлық жағдай жасалған. Мәселен, медиа-орталықта бір мезетте 180 адам жұмыс істей алады.
Әр мемлекеттен келген журналистер қажетті керек заттарын өздерімен бірге ала келген. Дегенмен, медиа-орталық, арнайы қажетті бағдарламалар орнатылған компьютерлермен де жабдықталыпты. Жұмыс уақыты кезінде 8 азамат кезекшілік жасап, журналистердің кедергісіз жұмыс жасауына көмегін тигізеді.
Сонымен қатар, бас медиа-орталықтан бөлек, жарыстар өтетін спорт ғимараттарында қосымша баспасөз бөлмелері жұмыс істейді. Мұнда барлық жарысты тікелей трансляцияда тамашалауға болады.
Ал, осы тартысты бәсекелерді қазақстандық жанкүйерлерге «KAZsport» арнасы көрсетуде.
Нұрсұлтан ҚҰДАЙБЕРГЕНҰЛЫ
