Ұлттық спорт түрлерінен ел чемпионаты өтуде

Бүгін Алматы облысы Қарасай ауданында ұлттық спорт түрлерінен Қазақстан Республикасының  ІІІ чемпионаты басталды. Аталған сайыста еліміздің барлық аймағымен қатар, Астана және Алматы қалаларының 1996-1998 жылғы  спортшылары бақ сынауда.

Дәстүрлі түрде ұйымдастырылатын жарыс бағдарламасы бойынша аударыспақ, көкпар, теңге ілуден үздіктер анықталмақ. Бұл шара салауатты өмір салтын насихаттап, ұлттық спортты дамытуға арналған.