Чемпиондар Лигасы. «Ақтөбе» – «Стяуа» 2:2

Футболдан Чемпиондар Лигасының үшінші іріктеу кезеңі аясында қазақстандық «Ақтөбе» командасы өз алаңында Румынияның «Стяуа» футбол клубымен кездесіп, 2:2 есебімен тең түсті.

Ойындағы алғашқы голды 44 минутта қонақтар сапындағы Клаудиу Кешеру соқса, 58 минутта «Ақтөбенің» ойыншысы Валерий Коробкин есепті теңестіріп үлгерді. Содан кейін қос команда тағы бір-бір гол соғып,  ойын  2:2 есебімен аяқталды.

Енді қарымта кездесу 6 тамыз күні Бухарестте өтеді. Бұл ойынды «KAZsport» телеарнасы тікелей эфирде көрсетеді.