Жаңалықтарды Telegram арнамыздан оқыңыз!26 шілде күні Нью-Йорктегі әйгілі «Madison Square Garden» аренасында кәсіпқой бокстан Әлем чемпионы Геннадий Головкин жекпе-жекке шығады. Бұл жолы оның қарсыласы - австралиялық Дэниэл Гил болмақ.
Бүгін Нью-Йоркте өткен баспасөз мәслихатында, Геннадий жекпе-жек оңайға түспейтінін айтқан. Спортшының айтуынша, екі мәрте Әлем чемпионы атанған Дэниэл Гил өте мықты қарсылас.
Айта кетейік, Геннадий Головкин ертең Нью-Йоркте екінші баспасөз мәслихатын өткізеді. Жиынға оның қарсыласы Дэниэл Гил да қатысады.
Геннадий Головкин, бокстан Әлем чемпионы:
Жарысқа әзірлік жақсы жүріп жатыр. Аяқталуға жақын. 2-3 күн қалды. Бәріміз бәсекені күтіп отырмыз. Көңіл-күйім тамаша. Барлығы да ешбір кедергісіз, ойдағыдай өтуде.
Рустам БАЙДӘУЛЕТ
