Басты Жаңалықтар L Equipe: АҚШ төрешілері ресейлік мәнерлеп сырғанаушыларға Олимпиада «алтынын» алуға көмектесті

L Equipe: АҚШ төрешілері ресейлік мәнерлеп сырғанаушыларға Олимпиада «алтынын» алуға көмектесті

17.02.2014 05:31

Францияның L Equipe газеті америкалық және ресейлік төрешілерге айып тағып отыр. Олар баға беруде алдын ала келісіп алған деп пайымдайды.

Басылымның жазуынша, америкалық төрешілер мәнерлеп сырғанаудан командалық жарыста ресейлік спортшылардың бағасын көтерген. Енді ресейлік төрешілер мұз үстіндегі би спортынан бірінші орынға АҚШ спортшылары Мэрил Дэвис пен Чарли Уайтты шығармақ.

Франция басылымның нұсқасын канадалық бұқаралық ақпарат құралдары да құптап отыр. Олар Олимпиада чемпиондары Скотт Моир мен Тесса Вирчу жұбының бағасы америкалық спортшылардан төмен болуын түсіне алар емес.

«АҚШ спортшыларының жұптық жарыста Олимпиада «алтынын» алуы шешіліп қойғаны айтылды», - деп жазады Vancouver Sun.

Бөлісу