Басты Жаңалықтар Инна Симонова жартылай финалға шыға алмады

Инна Симонова жартылай финалға шыға алмады

15.02.2014 04:33

Шорт-трек бәсекесінде 1500 метрлік қашықтықта сынға түскен қазақстандық спортшы Инна Симонова келесі кезеңге өте алмады.

Әр айналымда алты спортшы жүгіріп, оның тек үшеуі ғана жартылай финалға өтті. Қазақстандық спортшы өз айналымында тек төртінші орынға ие болды. Ол үшінші нәтиже көрстекен жапондық Аюко Итодан 0,14 секунд қана кеш келді.

Бұл Симонова үшін Сочи Олимпиадасындағы екінші жарыс. Бұған дейін ол 500 метр қашықтықта жүгіріп, іріктеуден аса алмады.

Айта кетейік, Қазақстанның шорт-тректен ерлер құрамасы 5000 метрлік қашықтықта финалға өткен. Ақтық бәсеке 21 ақпанда өтеді.

Естеріңізге сала кетейік, Қазақстан қоржынында әзірге бір жүлде бар. Мәнерлеп сырғанаушы Денис Тен жекелей сында үшінші орын алды. Жалпыкоманалық есепте Қазақстан 25-ші орында тұр.

Бөлісу