Басты Жаңалықтар Ақ Олимпиаданың бесінші күні аяқталуда

Ақ Олимпиаданың бесінші күні аяқталуда

12.02.2014 08:30

Кешегі күннің қорытындысы бойынша жерлестеріміз шаңғымен спринттік сайыс, әйелдер арасындағы биатлон, конькимен жүгіру және шана спортында бақ сынап, ел үмітін ақтай алмады.

Конькимен жүгіруде Екатерина Айдова 500 метр қашықтықта 22-ші нәтиже көрсетті. Екатерина алдағы уақытта тағы сынға түседі.

Ал, әйелдер арасында биатлоннан 10 шақырымдық жарыста ойын көрсеткен екі жерлесіміз Елена Хрусталева мен Дарья Усанова 56 спортшы ішінен 37-ші және 41-ші орыннан көрінді. Сол секілді шаңғы жарысында Елена Коломина, Татьяна Осипова, Денис Волотка және Роман Рагозин іріктеуден өте алмады.

Ал Николай Чеботько екінші кезеңде жарыс жолынан шығып қалды. Шана сайысындағы Елизавета Аксенова да сайысты тоқтатуға мәжбүр болды.

Бөлісу