Басты Жаңалықтар Креч келесі Олимпиадада жүлдеге таласады – Л.Прокашева

Креч келесі Олимпиадада жүлдеге таласады – Л.Прокашева

11.02.2014 02:53

«Роман үшін өте қуаныштымын. Ол жақсы нәтиже көрсетті. Конкьимен жүгіруден Олимпиада ойындарында жетінші орын алу – жетістік. Оның үстіне Роман жарақатынан кейін жарысқа қосылды», - дейді Нагано Олимпиадасының қола жүлдегеріЛюдмила Прокашева.

Оның сөзінше, мамандар Роман Кречтің үздік ондыққа енетінін топшылаған. Жаттықтырушылар Олимпиада ойындарының дайындығына барлық жағдайды жасаған. Ол жарақатына байланысты екі ай мұзайдынға шықпаған еді.

«Канадада жаттығу кезінде қатты жарақат алды. Операциядан кейін де көптеген қиындықтар болды. Дегенмен қалпына қайта келіп, қазіргі таңда үздік нәтиже көрсетті. Келесі Олимпиадада дайындық кезеңін жарақатсыз өткізіп, жүлдеге таласа алатынын дәлелдеуі керек», - дейді Олимпиада жүлдегері.

Бөлісу