Басты Жаңалықтар 11-ші ақпанда Сочи Олимпиадасында жарысқа түсетін спортшыларымыз кімдер?

11-ші ақпанда Сочи Олимпиадасында жарысқа түсетін спортшыларымыз кімдер?

11.02.2014 12:02

Олимпиада жүлделері үшін бірінші болып Ұлттық құрамамыздың шаңғышылары мықтылықтарын дәлелдеп көрмек. 16:00-де басталатын еркін түрдегі спринтерлік жарыста Татьяна Осипова және Елена Коломина ел намысын қорғайды. Одан кейін, сағат 16:25-те ерлер арасындағы спринтерлік біліктілік жарысына Николай Чеботько, Денис Волотка және Роман Рагозин шығады.

«Адлер-Арена» мұзында конькиші қызымыз Екатерина Айдова 500 метр қашықтықта сынға түседі. Жарыстың бірінші кезеңі сағат - 18:45-те деп жоспарланған, екінші кезеңі – 20:35-те.

Шана спортында бір орындық шана сайысында Елизавета Аксенова сынға түспек. Жарыстың финалдық бөлігі 22:20-да басталады.

Біздің олимапиадашылар қатысатын жарыстың төртінші түрі – биатлон. Елена Хрусталева мен Дарья Усанова әйелдер арасындағы із қуалай жарысудан Сочи Олимпиадасының жүлдесіне таласып көрмек. Жарыстың басталуы – 21:00-де.

Бөлісу