Басты Жаңалықтар Мемлекеттік қызмет түрлерінің саны екі есе артты

Мемлекеттік қызмет түрлерінің саны екі есе артты

Қазақстанда кейінгі бес жылда мемлекеттік қызмет түрлерінің саны екі есе артып, 1333-ке жетті. Бүгінде оның 90,3 пайызын онлайн форматта алуға болады. Электрондық үкіметті дамыту жөніндегі халықаралық рейтингте де, еліміз 193 мемлекеттің арасында 24-орында тұр. Ал цифрлық қызметтердің халыққа қолжетімділігін одан әрі арттыру үшін өңірлерде байланыс инфрақұрылымы жетілдіріліп жатыр. Қазір ел халқының 97,5 пайызы интернетпен қамтылған. Алдағы уақытта ауылдарға талшықты-оптикалық желілерді тарту және шалғай елді мекендерді жоғары жылдамдықты спутниктік байланыспен қамтамасыз ету жұмыстары жалғасады.

Бөлісу