3 қарашада «Ұмай» бағдарламасына өтінім қабылдау басталады

«Ұмай» ипотекалық бағдарламасына өтінім қабылдау 3 қарашада басталады. Екінші кезеңде 20 млрд теңге қарастырылған. Бағдарламаның бірінші кезеңінде 9 млрд теңге бөлінген еді. Ол қаражатқа 420 несие рәсімделген. Отбасы банк маманы өтінімді бейнебайланыс арқылы немесе жақын жердегі кеңес беру орталығында қабылдай алады. Кеңесшілердің тізімі банктің сайтында жарияланған. Маман таңдаған кезде оның қызметтер тізімінде «Төлем қабілеттілігін алдын ала бағалау» және «Несие алуға арналған құжаттарды қабылдау» қызметтерінің бар екеніне көз жеткізу қажет. Еске салайық, әйелдерге арналған «Ұмай» бағдарламасымен бастапқы жарна Астана мен Алматыда 20%-дан, ал басқа қалаларда 15%-дан басталады.