«Чемпион» атты жаңа телехикая көрерменге жол тартады

Бүгіннен бастап «Балапан» телеарнасынан «Чемпион» атты жаңа спорттық-комедиялық телехикая көрсетіледі. 11 бөлімнен тұратын туынды ауылдан қаладағы спорт мектебіне келген 10 жастағы Нұрдәулет пен тағы 2 кейіпкердің қызықты оқиғаларын баяндайды. Үшеуі үш түрлі мінезбен бір бөлмеге тұрақтаған жеткіншектер қалай тіл табысады?  Жаттығу залындағы қиындықтар, дайындық барысындағы кедергілер,  жарыстағы жеңілістер – бәрі де оқиғаны шиеленістіре түседі. Телехикая жасөспірімдерді спортқа баулып, достық, бірлік құндылықтарын дәріптейді. Сценарий авторы әрі режиссері – Жандос Дүйсенбаев, ал продюсері – Самат Әлім. Жаңа туындыны бүгіннен бастап 20:25-те «Балапан» арнасынан көріңіздер.