Трамптың рейтингі құлдырады

АҚШ президенті Дональд Трамптың рейтингі рекордтық төменгі деңгейге түсті. The Washington Post, ABC News пен Ipsos жүргізген сауалнамаға сай Ақ үй басшысын халықтың қолдау деңгейі 33 пайызға дейін төмендеген. Сауалнамаға қатысқандар президенттің саясатына, елдің жалпы даму бағытына, экономикалық жағдайға көңілі толмайтынын мәлімдеп отыр. Ал респонденттердің жартысына жуығы Трамп Ақ үйге оралғаннан кейін қаржылық жағдай нашарлап кеткенін айтады. АҚШ президентінің рейтингінің төмендеуіне Иранмен соғыстың салдары, отынның қымбаттауы ықпал еткен болуы мүмкін. Америкалықтардың 65 пайызы бұл қарулы қақтығыстың басталуын Вашингтонның қате шешімі деп есептейді.