Абай облысында ағашты заңсыз кескендер ұсталды

Абай облысы, Бородулиха ауданының прокуратурасы тексерулер кезінде, «Семей орманы» аумағында 6 заңсыз ағаш кесу фактісін анықтады. 3 оқиғаға қатысты сотқа дейінгі тергеу басталып, қалғанына  әкімшілік іс қозғалған. Бұған қоса, өрт қауіпсіздігі талаптарын бұза отырып, оның ішінде ұшқын сөндіргішсіз арнайы техниканы пайдалану, көлік құралын жүргізу құқығынсыз басқару, мас күйінде көлік жүргізу сияқты 20-дан астам әкімшілік құқық бұзушылық тіркелген. Қазіргі уақытта орман қорындағы 20 орамда ағаш дайындау жұмыстары уақытша тоқтатылды. Өткен атпада ғана Ұлттық Қауыпсіздік Комитеті мен прокуратура орманның тиімді аумақтарын кесуге заңсыз рұқсат берген бірнеше лауазым иелерінің әрекетін әшкерелеген болатын.