Қосшылықтардың 50%-дан астамы таңдау жасады

Қосшылықтардың сайлаудағы белсенділігіне аумақтық сайлау комиссиясы жоғары баға беруде. Астана іргесіндегі қалада 12 учаскелік пункт жұмыс істеп тұр. 16:00 жағдай бойынша мекемелерге қала халқының 50,2%  өз таңдауын жасап үлгерген. Негізінен таңдау жасау құқығы 26 мың 306 адамға берілген. 300-ге жуық жас биыл саяси науқанға алғаш қатысуға мүмкіндік алған.

Ерболат Елубай, Қосшы қаласының аумақтық сайлау комиссиясының хатшысы:

Мерекелік атмосфера қалыптастырылған. Бұл жерде концерт, жәрмеңке болып жатыр. Қарттардың белсенділігі өте жақсы. Сайлау учаскелеріне келіп, аналар қазақы нақышта киініп келіп, белсенділік танытуда. Біз бесте келдік. Сайлау учаскілері бұрыннан дайын болатын. 5-те келіп ашып, дайындықты пысықтадық. Шақыру қағаздары үй-үйге таратылды. Қанша тұрғын бар бәріне таратылды.