150 мың SMS жіберген алаяқтар ұсталды

Астанада азаматтардың жеке және банктік деректерін ұрлаумен айналысқан қылмыстық топтың әрекеті әшкерелtнді. Олар төрт күн ішінде Beeline, Kcell және Activ абоненттеріне белгілі компаниялардың атынан шамамен 150 мың жалған SMS жіберген. Хабарламадағы сілтеме пайдаланушыларды жалған сайтқа бағыттап, сол жерде банк картасының деректері, CVV және SMS-кодты енгізу талап етілген. Қылмыстық схемада базалық станция жұмысын имитациялайтын «SMS-бластер» құрылғысы қолданылған. Оны Қаржылық мониторинг агенттігі тәркіледі. Сараптама оны ақпаратты жасырын алуға арналған техникалық құрал деп таныған. Төрт күдікті қамауға алынды. Қылмыстық іс бойынша тергеу басталды.